فآقد ..!~

.
.
.

" قالي بصوت خآآفت يا محمد تصدق آمنيتي إني آشوف أمي اموت بعدها .؟؟ قلت يا ولد آذكر الله اللي فات مات
وإن شاء الله إنها بالجنـه وآنت انسان عاقل وفاهم خلآص هذي سنه الحيآهـ ..
سكتنآ شوي الا والجوال يعلن عن اتصال لآمي قلت بعد اذنك .. هلا يمه هلآ محمد وينك يمك لا تتأخر ابي آنام..
قلت ابشري ما بطول ..شغلت المسجل عشان اطلع ويطلع خويي من هالجـو.!~ لكن هيهات صدق اللي يقول "النار ما تحرق الا رجل وآطيهـآ " انا في داخلي مرتاح لكن خويي يقطع قلبه آلم الفرآق .؟؟
قال يقولون النسيان نعمه انا محروم من حتى هالنعمه .؟؟ قلت يا رجال هونهآ وتهون قال ياخي انت ما تحس فيني ، انا اذا دخلت البيت مع ان ابوي ما قصر بس احس البيت مشتت احس البيت ناقصه شي .. اشوف آختي الصغيرهـ اتذكر كنت آلعب معها في الحوش مكان ما تجلس امي وتدعي لي ولاخواني وخاصه عصر الجمعه ..
الحين قلي من اللي بيدعيلي .؟؟ اتذكر إذا جيت من الكليه القى اخواني كلهم نايمين لكن الاقي امي تنتظرني وتسألني عن دراستي وتقولي غداك شفه بالصآله .!!.. آهـ يالقلب الحنون في ايام البرد وإذا كان عندي اختبار ما تنام تتنظر اطلع من الاختبار واطمنهآ ..؟ آهـ يالقلب الحنون تصدق مرهـ كنت طفشآن ونمت من بعد صلاهـ العشآء وجات تقومني عشان اتعشى وقمت زعلان قلت مابي عشا ورجعت انام لكن صحيت السآعه ثلاث لقيت العشآ عند راسي ..!!
محمد تلومني اذا بكيت عشآن امي قلت ياخي هذي سنه الحياهـ ولازم ترضى قال والله لو يموت قريبك آخوك وحتى لو ابوك كلها تهون بس ما تموت امك .!! "

الإنسان في الحقيقه ما يحس بالنعمه الا بعد ما يفقدهـآ وهذآ مشهد حي حقيقي من آعز آصدقائي يكآد الحزن آن يقطع قلبه ويكاد الدمع ان يتلف عينـه.. كيف لا وهو من فاقد " القلب الحنون "



صحيح الدنيا ما توقف على موت آحد لكن لا يملك الإنسان الا الدعآء ..

آلله يرحم آمهآتنا وجميع آمهآت المسلمين .!~

.
.
.

" لا تدققون باللغـه ^_^ "